ಗಾಂಜಾ ಬಳಕೆಯನ್ನು ಕಾನೂನುಬದ್ಧಗೊಳಿಸಿದ ಜರ್ಮನಿ: ಸಂಸತ್‌ನಲ್ಲಿ ಮಸೂದೆ ಅಂಗೀಕಾರ!
ಬರ್ಲಿನ್: ಜರ್ಮನಿಯಲ್ಲಿ ಮನೆಯಲ್ಲೇ ಗಾಂಜಾ ಗಿಡವನ್ನು ಬೆಳೆಯಲು ಮತ್ತು ಗಾಂಜಾ ಬಳಕೆಯನ್ನು ಕಾನೂನುಬದ್ಧಗೊಳಿಸುವ ಮಸೂದೆಯನ್ನು ಸಂಸತ್ತಿನಲ್ಲಿ ಮಂಡಿಸಿ ಅಂಗೀಕಾರ ಪಡೆಯಲಾಗಿದೆ ಎಂದು ಹೇಳಲಾಗುತ್ತಿದೆ.
ಯುರೋಪಿಯನ್ ದೇಶದ ಜರ್ಮನಿ, ಯುರೋಪ್ ಒಕ್ಕೂಟದಲ್ಲಿ ಅತಿದೊಡ್ಡ ಆರ್ಥಿಕತೆಯ ದೇಶವಾಗಿದೆ.ಜರ್ಮನ್ ಸರ್ಕಾರವು ಗಾಂಜಾ ಮೇಲಿನ ನಿಷೇಧವನ್ನು ರದ್ದುಗೊಳಿಸಿ, ಅದನ್ನು ಸಂಸತ್ತಿನಲ್ಲಿ ಮಂಡಿಸಿ ಕಾನೂನುಬದ್ಧಗೊಳಿಸಿದೆ ಎಂದು ವರದಿಗಳಾಗಿವೆ.
ಹೊಸ ಕಾನೂನಿನ ಪ್ರಕಾರ ಮನೆಯಲ್ಲೇ 3 ಗಾಂಜಾ ಗಿಡಗಳನ್ನು ಬೆಳೆಸಿಕೊಳ್ಳಬಹುದು. ಪ್ರತಿ ವ್ಯಕ್ತಿ 25 ಗ್ರಾಂ ವರೆಗೆ ಗಾಂಜಾವನ್ನು ಇಟ್ಟುಕೊಳ್ಳಬಹುದು ಮತ್ತು ಮನೆಯಲ್ಲೇ 50 ಗ್ರಾಂಗಳಷ್ಟು ಗಾಂಜಾವನ್ನು ಇರಿಸಿಕೊಳ್ಳಬಹುದು. ಗಾಂಜಾ ಹೊಂದಲು ಮತ್ತು ಬೆಳೆಯುವ ಅನುಮತಿ ಏಪ್ರಿಲ್ 1 ರಿಂದ ಜಾರಿಯಾಗಲಿದೆ.
ಈ ಹಿನ್ನಲೆಯಲ್ಲಿ, ಸರ್ಕಾರದ ಹೊಸ ಮಸೂದೆಯನ್ನು ಮರುಪರಿಶೀಲಿಸುವಂತೆ 16 ವಿರೋಧ ಪಕ್ಷಗಳು ಒತ್ತಾಯಿಸಿರುವುದು ಗಮನಾರ್ಹ.
