ಚಿನ್ನದ ಸಂಗ್ರಹ ಶೇ.40ರಷ್ಟು ಏರಿಕೆ… 408 ಟನ್ ಚಿನ್ನ ಖರೀದಿಸಿದ ಜನ… ಚಿನ್ನದ ಬೆಲೆ ಮತ್ತಷ್ಟು ಏರಿಕೆಯಾಗುವ ನಿರೀಕ್ಷೆ!

ಈ ವರ್ಷದ ವೇಳೆಗೆ ಅಮೇರಿಕಾದಲ್ಲಿ ಬಡ್ಡಿದರಗಳನ್ನು ಕಡಿತಗೊಳಿಸಿದರೆ, ಚಿನ್ನದ ಬೆಲೆಗಳು ಮತ್ತಷ್ಟು ಏರಿಕೆಯಾಗುವ ನಿರೀಕ್ಷೆಯಿದೆ!

ಭಾರತೀಯ ರಿಸರ್ವ್ ಬ್ಯಾಂಕ್ ಪ್ರಕಾರ, ಕಳೆದ ಐದು ವರ್ಷಗಳಲ್ಲಿ ಭಾರತದ ಚಿನ್ನದ ಸಂಗ್ರಹವು ಶೇಕಡಾ 40 ರಷ್ಟು ಹೆಚ್ಚಾಗಿದೆ. ಮಾರ್ಚ್ 2019 ರಿಂದ ಮಾರ್ಚ್ 2024 ರವರೆಗಿನ ಐದು ವರ್ಷಗಳಲ್ಲಿ, ಆರ್‌ಬಿಐನಲ್ಲಿ ಚಿನ್ನದ ನಿಕ್ಷೇಪವು 822 ಮೆಟ್ರಿಕ್‌ಟನ್ ಗಳಷ್ಟು ಹೆಚ್ಚಾಗಿದೆ. ಇದರಲ್ಲಿ 408 ಮೆಟ್ರಿಕ್ ಟನ್ ಚಿನ್ನ ಭಾರತದಲ್ಲೇ ಇದೆ. ಅಂದರೆ ಜನರ ಬಳಿ 408 ಮೆಟ್ರಿಕ್ ಟನ್ ಚಿನ್ನವಿದೆ.

2019ರಲ್ಲಿ, ಆರ್‌ಬಿಐ ಚಿನ್ನದ ನಿಕ್ಷೇಪವು 612 ಮೆಟ್ರಿಕ್‌ಟನ್‌ಗಳಷ್ಟಿತ್ತು. ಅದರಲ್ಲಿ 292 ಮೆಟ್ರಿಕ್ ಟನ್ ಭಾರತೀಯ ಜನರ ಬಳಿ ಇತ್ತು. ಆರ್‌ಬಿಐ ನಿನ್ನೆ ಬಿಡುಗಡೆ ಮಾಡಿದ ವಿದೇಶಿ ವಿನಿಮಯ ಮೀಸಲು ವಿವರಗಳ ಪ್ರಕಾರ, ಸೆಪ್ಟೆಂಬರ್ 2023 ಮತ್ತು ಮಾರ್ಚ್ 2024ರ ಅವಧಿಯಲ್ಲಿ, ಒಟ್ಟು ವಿದೇಶಿ ವಿನಿಮಯ ಮೀಸಲುಗಳಲ್ಲಿ ಚಿನ್ನದ ಪಾಲು ಶೇಕಡಾ 7.37 ರಿಂದ ಶೇಕಡಾ 8.15ಕ್ಕೆ ಏರಿಕೆಯಾಗಿದೆ.

ಭಾರತೀಯ ರಿಸರ್ವ್ ಬ್ಯಾಂಕ್ ಇತ್ತೀಚಿನ ವರ್ಷಗಳಲ್ಲಿ ಚಿನ್ನವನ್ನು ಹೆಚ್ಚಾಗಿ ಸಂಗ್ರಹಿಸುತ್ತಿದೆ. ಭಾರತೀಯ ರಿಸರ್ವ್ ಬ್ಯಾಂಕ್ ಮಾತ್ರವಲ್ಲ, ಪ್ರಪಂಚದಾದ್ಯಂತದ ಕೇಂದ್ರೀಯ ಬ್ಯಾಂಕ್‌ಗಳು ಇದೇ ರೀತಿ ಹೆಚ್ಚು ಚಿನ್ನವನ್ನು ಖರೀದಿಸುತ್ತಿವೆ. ಇದರಿಂದ ವಿಶ್ವ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆಯೂ ಏರಿಕೆಯಾಗುತ್ತಿದೆ.

ಅದರಲ್ಲೂ ಚೀನಾ ಏಕಾಏಕಿ ಚಿನ್ನವನ್ನು ಭಾರಿ ಪ್ರಮಾಣದಲ್ಲಿ ಖರೀದಿಸಿ ಕೂಡಿಡುತ್ತಿದೆ. ಇದರಿಂದಾಗಿ ಮಾರ್ಚ್ ನಿಂದ ಚಿನ್ನದ ಬೆಲೆ ಶೇ.15ಕ್ಕೂ ಹೆಚ್ಚು ಏರಿಕೆಯಾಗಿದೆ. ಇಸ್ರೇಲ್-ಇರಾನ್ ನಡುವಿನ ಉದ್ವಿಗ್ನತೆ ಸೇರಿದಂತೆ ಜಾಗತಿಕ ರಾಜಕೀಯ ಕಾರಣಗಳಿಂದಲೂ ಚಿನ್ನದ ಬೆಲೆ ಏರುತ್ತಿದೆ. ಈ ವರ್ಷದ ವೇಳೆಗೆ ಅಮೇರಿಕಾದಲ್ಲಿ ಬಡ್ಡಿದರಗಳನ್ನು ಕಡಿತಗೊಳಿಸಿದರೆ, ಚಿನ್ನದ ಬೆಲೆಗಳು ಮತ್ತಷ್ಟು ಏರಿಕೆಯಾಗುವ ನಿರೀಕ್ಷೆಯಿದೆ!