ಬೆಂಗಳೂರು ಆರ್ಚ್ ಬಿಷಪ್ ವಿಶ್ರಾಂತ ಇಗ್ನೇಷಿಯಸ್ ಪಿಂಟೋ ನಿಧನ!

ಬೆಂಗಳೂರು: ಬೆಂಗಳೂರಿನಲ್ಲಿರುವ ಬಡವರ ಪುಟ್ಟ ಸಹೋದರಿಯರು ನಿರ್ವಹಿಸುತ್ತಿರುವ ಹಿರಿಯ ನಾಗರಿಕರ ಮನೆಯಲ್ಲಿ (Little Sisters ವೃದ್ಧಾಶ್ರಮ) ಬೆಳಗಿನ ಜಾವ 1:30ಕ್ಕೆ ಆರ್ಚ್ ಬಿಷಪ್ ವಿಶ್ರಾಂತ ಇಗ್ನೇಷಿಯಸ್ ಪಿಂಟೋ ನಿಧನರಾದರು ಎಂಬ ಸುದ್ಧಿಯನ್ನು ಬೆಂಗಳೂರಿನ ಆರ್ಚ್‌ಬಿಷಪ್ ಪೀಟರ್ ಮಚಾಡೊ ಅವರ ಸಂದೇಶದಲ್ಲಿ ತಿಳಿಸಿದ್ದಾರೆ. ಅವರಿಗೆ 98 ವರ್ಷ ವಯಸ್ಸಾಗಿತ್ತು.

ಆರ್ಚ್ ಬಿಷಪ್ ಪಿಂಟೋ ಅವರು ಮೇ 18, 1925 ರಂದು ಮಂಗಳೂರು ಧರ್ಮಪ್ರಾಂತ್ಯದ ಬಂಟ್ವಾಳದಲ್ಲಿ ಜನಿಸಿದರು ಮತ್ತು ಆಗಸ್ಟ್ 24, 1952 ರಂದು ಪಾದ್ರಿಯಾಗಿ ನೇಮಕಗೊಂಡರು.

ಬೆಂಗಳೂರಿನ ಆರ್ಚ್‌ಬಿಷಪ್ ಅಲ್ಫೋನ್ಸ್ ಮಥಿಯಾಸ್ ಅವರ ನಂತರ, ಬೆಂಗಳೂರು ಮಹಾಧರ್ಮಕ್ಷೇತ್ರಕ್ಕೆ ಆರ್ಚ್‌ಬಿಷಪ್ ಆಗಿ, (ಸೆಪ್ಟೆಂಬರ್ 10, 1998) ರಂದು ಇಗ್ನೇಷಿಯಸ್ ಪಿಂಟೋ ಅವರು ನೇಮಕವಾದರು. ಆ ಸಮಯದಲ್ಲಿ ಬೆಂಗಳೂರಿನ ದೇವಾಲಯಗಳಲ್ಲಿ ಧರ್ಮಾಚರಣೆಯ ಭಾಷೆಯ ಬಗ್ಗೆ ದೊಡ್ಡ ವಿವಾದವೊಂದು ಸೃಷ್ಠಿಯಾಯಿತು.

ಚರ್ಚ್ ಅಂಕಿ ಅಂಶಗಳ ಪ್ರಕಾರ ಬೆಂಗಳೂರಿನಲ್ಲಿ ಶೇ.20 ರಷ್ಟಿರುವ ಕ್ಯಾಥೋಲಿಕ ಕ್ರೈಸ್ತರು, ಕರ್ನಾಟಕ ರಾಜ್ಯದ ಅಧಿಕೃತ ಭಾಷೆಯಾದ ಕನ್ನಡವನ್ನು ಮಾತನಾಡುವ ಸ್ಥಳೀಯರಾಗಿದ್ದಾರೆ. ಸುಮಾರು ಶೇ.70 ರಷ್ಟಿರುವ ಕ್ಯಾಥೋಲಿಕರು ತಮಿಳು ಭಾಷಿಕರಾಗಿದ್ದಾರೆ ಮತ್ತು ಉಳಿದವರು ಇತರ ರಾಜ್ಯಗಳಿಂದ ವಲಸೆ ಬಂದವರು ಎಂದು ಹೇಳಲಾಗುತ್ತಿದೆ.

ಭಾಷಾ ಸಮಸ್ಯೆಯು ಮೂರು ದಶಕಗಳಿಗೂ ಹೆಚ್ಚು ಕಾಲ ಧರ್ಮಪ್ರಾಂತ್ಯವನ್ನು ಕಾಡಿತ್ತು. ಸ್ಥಳೀಯ ಕನ್ನಡ ಮಾತನಾಡುವ ಕ್ರೈಸ್ತರು ತಮ್ಮ ಭಾಷೆಗೆ ಪೂಜೆಯಲ್ಲಿ ಪ್ರಾಮುಖ್ಯತೆಯನ್ನು ಕೊಡಬೇಕೆಂದು ಬಯಸಿದ್ದರು. ಆದರೆ, ಇಲ್ಲಿನ 70% ತಮಿಳರು ಅದಕ್ಕೆ ವಿರೋಧ ವ್ಯಕ್ತಪಡಿಸಿ, ಕನ್ನಡ – ತಮಿಳು ದ್ವೀಭಾಷಾ ಸೂತ್ರವನ್ನು ಮುಂದಿಟ್ಟರು. ಒಪ್ಪದ ಕನ್ನಡಿಗರಿಂದ. ಘರ್ಷಣೆಗಳು ಹೆಚ್ಚಾಗಿ ಅದು ಹಿಂಸಾಚಾರಕ್ಕೆ ತಿರುಗಿತ್ತು.

1940ರಲ್ಲಿ ಬೆಂಗಳೂರು ಧರ್ಮಪ್ರಾಂತ್ಯ ಮತ್ತು 1953ರಲ್ಲಿ ಆರ್ಚ್‌ಡಯಾಸಿಸ್ ಆದಂದಿನಿಂದ ಅದರ ಎಲ್ಲಾ ಬಿಷಪ್‌ಗಳು ಹೊರಗಿನವರು ಎಂದು ಕನ್ನಡ ಕ್ರೈಸ್ತರು ಆರೋಪಿಸಿದರು.

ಕಟ್ಟುನಿಟ್ಟಾದ ಧರ್ಮಾಭಿಮಾನಿಯಾಗಿದ್ದ ಆರ್ಚ್‌ಬಿಷಪ್ ಪಿಂಟೋ ಅವರು ಮೌನದ ಜೊತೆಗೆ ಮಧ್ಯಮ ಮಾರ್ಗವನ್ನು ಅನುಸರಿಸುವ ಮೂಲಕ ಭಾಷಾ ವಿವಾದವನ್ನು ಧೈರ್ಯದಿಂದ ಎದುರಿಸಿದ್ದರು. ಆರ್ಚ್‌ಬಿಷಪ್ ಪಿಂಟೋ ಅವರು ಉತ್ತಮ ಶಿಸ್ತು, ಕಟ್ಟುನಿಟ್ಟಾದ ಮತ್ತು ನಿಖರವಾದ ವ್ಯಕ್ತಿಯಾಗಿದ್ದು, ಅವರು ಧಾರ್ಮಿಕ ವಿಷಯಗಳಲ್ಲಿ ಎಂದಿಗೂ ರಾಜಿ ಮಾಡಿಕೊಳ್ಳಲಿಲ್ಲ.

ಆರ್ಚ್‌ಬಿಷಪ್ ಪಿಂಟೋ ಅವರು ಭಾರತದ ಕ್ಯಾಥೋಲಿಕ್ ಬಿಷಪ್‌ಗಳ ಸಮ್ಮೇಳನದ ಪ್ರಧಾನ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸಿದರು, ಸೇಂಟ್ ಜಾನ್ಸ್ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಯ ಅಧ್ಯಕ್ಷರೂ ಆಗಿದ್ದರು. ಅವರು 70 ವರ್ಷಗಳ ಕಾಲ ಪಾದ್ರಿಯಾಗಿ ಮತ್ತು 34 ವರ್ಷಗಳ ಕಾಲ ಬಿಷಪ್ ಆಗಿ ಸೇವೆ ಸಲ್ಲಿಸಿದ್ದಾರೆ.

Bangalore archbishop emeritus Ignatius Pinto passes away

Bengalore: Archbishop emeritus Ignatius Pinto passed away on Wednesday February 8. He was 98.
He was residing at the Senior Citizens Home of the Little Sisters of the Poor at Bangalore.
He was born on 18 May 1925 in Bantwal. He ordained priest on August 24, 1952.
Archbishop of Bangalore Alphonsus Mathias ordained him bishop of Shimoga, on January 31, 1989. He was appointed as archbishop of Bangalore, India on September 10, 1998.
He retired from his active episcopal ministry on July 22, 2004. He served as a priest for 70 years and a Bishop for 34 years.