ರಾಮನಾಥಪುರಂ: ರಾಮನಾಥಪುರಂ ಜಿಲ್ಲೆಯ ಪಸುಂಪೊಣ್‌ನಲ್ಲಿ ಮುತ್ತುರಾಮಲಿಂಗ ತೇವರ್ ಅವರ 118ನೇ ಜನ್ಮ ದಿನಾಚರಣೆ ಮತ್ತು ಗುರು ಪೂಜೆಯ ಸಂದರ್ಭದಲ್ಲಿ ಭಾರತದ ಉಪರಾಷ್ಟ್ರಪತಿ ಸಿ.ಪಿ.ರಾಧಾಕೃಷ್ಣನ್ ಅವರು ಅವರ ಸ್ಮಾರಕಕ್ಕೆ ಗೌರವ ಸಲ್ಲಿಸಿದರು. ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು,
“ನೇತಾಜಿ ಸುಭಾಷ್ ಚಂದ್ರ ಬೋಸ್ ವಿಮಾನ ಅಪಘಾತದಲ್ಲಿ ಸಾವನ್ನಪ್ಪಲಿಲ್ಲ. ನನ್ನ ಬಳಿ ಪುರಾವೆಗಳಿಲ್ಲದಿದ್ದರೂ, ನೇತಾಜಿ ವಿಮಾನ ಅಪಘಾತದಲ್ಲಿ ನಿಧನರಾದರು ಎಂದು ನಾನು ನಂಬುವುದಿಲ್ಲ. ಏಕೆಂದರೆ, ನೇತಾಜಿಯವರ ಕಟ್ಟಾ ಬೆಂಬಲಿಗರಾದ ಪಸುಂಪೊಣ್‌ ಮುತ್ತುರಾಮಲಿಂಗ ತೇವರ್, ‘ನೇತಾಜಿ ವಿಮಾನ ಅಪಘಾತದಲ್ಲಿ ಸಾಯಲಿಲ್ಲ, ನಾನು ಅವರನ್ನು ಭೇಟಿಯಾದೆ’ ಎಂದು ಹೇಳಿದ್ದಾರೆ.
ನಾನು ಪಸುಂಪೊಣ್‌ ಅವರ ಮಾತುಗಳನ್ನು ನಂಬುತ್ತೇನೆ. ಅವರು ತನ್ನ ಜೀವನದಲ್ಲಿ ಎಂದಿಗೂ ಸುಳ್ಳು ಹೇಳಿಲ್ಲ. ಅವರು ತಮ್ಮ ರಾಜಕೀಯ ಪ್ರಯಾಣದ ನಡುವೆಯೂ ತಮ್ಮ ಆಧ್ಯಾತ್ಮಿಕ ಹಾದಿಯತ್ತ ಗಮನಹರಿಸಿದರು. ಅದುವೇ ಅವರ ಹಿರಿಮೆ” ಎಂದು ಹೇಳಿದ್ದಾರೆ.
