ನವದೆಹಲಿ: ಪ್ರತಿಪಕ್ಷ ನಾಯಕ ರಾಹುಲ್ ಗಾಂಧಿ ತಮ್ಮ ತಾಯಿ ಸೋನಿಯಾ ಅವರ ಅಚ್ಚುಮೆಚ್ಚಿನ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಹಾಕಿರುವ ಪೋಸ್ಟ್ ವೈರಲ್ ಆಗಿದೆ.

ಸೋನಿಯಾ ಅವರು ನಾಯಿಯೊಂದನ್ನು ಬೆನ್ನ ಮೇಲೆ ಹಿಡಿದಿರುವ ಫೋಟೋವನ್ನು ಪೋಸ್ಟ್ ಮಾಡಿರುವ ರಾಹುಲ್, ಅಮ್ಮನ ಅಚ್ಚುಮೆಚ್ಚಿನವರು ಯಾರು? ಅದು ಖಂಡಿತವಾಗಿಯೂ ನೂರಿ (ನಾಯಿಯ ಹೆಸರು) ಎಂದು ಹೇಳಿದ್ದಾರೆ. ಮುಂದಿನ 24 ಗಂಟೆಗಳಲ್ಲಿ, 5,968 ಜನರು ಈ ಫೋಟೋಗೆ ಕಾಮೆಂಟ್ ಮಾಡಿದ್ದಾರೆ. 8.6 ಲಕ್ಷಕ್ಕೂ ಹೆಚ್ಚು ಮಂದಿ ಇದನ್ನು ‘ಲೈಕ್’ ಮಾಡಿದ್ದಾರೆ.

ಕಳೆದ ವರ್ಷ ರಾಹುಲ್ ಗೋವಾದ ಮಾಪುಸಾದಲ್ಲಿ ನೂರಿಯನ್ನು ಖರೀದಿಸಿ, ವಿಶ್ವ ಪ್ರಾಣಿ ದಿನದಂದು ಸೋನಿಯಾಗೆ ಉಡುಗೊರೆಯಾಗಿ ನೀಡಿದ್ದರು. ಅದರ ಬಗ್ಗೆ ವಿಡಿಯೊವೊಂದನ್ನು ಕೂಡ ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ್ದರು ಎಂಬುದು ಗಮನಾರ್ಹ.