ವಿಐಪಿ ಹಜ್ ಕೋಟಾ ರದ್ದುಗೊಳಿಸಲು ಕೇಂದ್ರ ಸರ್ಕಾರ ನಿರ್ಧಾರ!

ನವದೆಹಲಿ: ಉನ್ನತ ಸಾಂವಿಧಾನಿಕ ಹುದ್ದೆಗಳನ್ನು ಹೊಂದಿರುವವರಿಗೆ ಮತ್ತು ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವಾಲಯದ ಹಾಲಿ ವಿಐಪಿ ಹಜ್ ಕೋಟಾವನ್ನು ರದ್ದುಗೊಳಿಸಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ ಎಂದು ಕೇಂದ್ರ ಸಚಿವೆ ಸ್ಮೃತಿ ಇರಾನಿ ಹೇಳಿದ್ದಾರೆ.

ಅವರ ಪ್ರಕಾರ, ‘ಪ್ರಧಾನಿ ಮೋದಿ ಅವರು ಅಧಿಕಾರ ಸ್ವೀಕರಿಸಿದ ಮೊದಲ ದಿನವೇ ಹಜ್‌ನಲ್ಲಿ ವಿಐಪಿ ಕೋಟಾವನ್ನು ಕೊನೆಗೊಳಿಸುವ ಮತ್ತು ವಿಐಪಿ ಸಂಸ್ಕೃತಿಯನ್ನು ಕೊನೆಗೊಳಿಸುವ ನಿರ್ಣಯವನ್ನು ಪ್ರಸ್ತಾಪಿಸಿದ್ದರು.

ಯುಪಿಎ ಆಡಳಿತದಲ್ಲಿ ಹಜ್‌ಗೆ ಸಂಬಂಧಿಸಿದಂತೆ ವಿಐಪಿ ಸಂಸ್ಕೃತಿ ಜಾರಿಗೆ ಬಂದಿತ್ತು. ಅದರ ಅಡಿಯಲ್ಲಿ ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವಾಲಯ, ಹಜ್ ಸಮಿತಿ ಮತ್ತು ಉನ್ನತ ಸಾಂವಿಧಾನಿಕ ಹುದ್ದೆಯಲ್ಲಿರುವ ಎಲ್ಲರಿಗೂ ವಿಶೇಷ ಕೋಟಾವನ್ನು ನೀಡಲಾಯಿತು’ ಎಂದು ಅವರು ಹೇಳಿದರು.

‘ಇದನ್ನು 2012 ರಲ್ಲಿ ಪ್ರಾರಂಭಿಸಿದಾಗ, ಈ ವಿಶೇಷ ಕೋಟಾದ ಅಡಿಯಲ್ಲಿ ಸುಮಾರು 5,000 ಸೀಟುಗಳಿದ್ದವು ಮತ್ತು ಈ ವಿಶೇಷ ವರ್ಗದ ಸೀಟುಗಳನ್ನು ಸರ್ಕಾರದಲ್ಲಿ ಯಾರೋ ತಿಳಿದಿರುವವರ ಶಿಫಾರಸ್ಸಿನ ಮೇರೆಗೆ ನೀಡಲಾಗಿತ್ತು’ ಎಂದೂ ಅವರು ಹೇಳಿದರು.

‘ಮತ್ತು ಯಾವುದೇ ವಲಯದಲ್ಲಿ ಅಂತಹ ವಿಶೇಷ ವರ್ಗೀಕರಣವಿದ್ದರೆ ವಿಐಪಿ ಸಂಸ್ಕೃತಿಯನ್ನು ಕೊನೆಗೊಳಿಸಲು ಪ್ರಧಾನಿ ಬಯಸುತ್ತಿದ್ದಾರೆ’ ಎಂದು ಇರಾನಿ ಹೇಳಿದರು.

‘ಪ್ರಧಾನಿಯವರ ನಿರ್ಧಾರಗಳನ್ನು ಪ್ರತಿಬಿಂಬಿಸುವ ಸಂಪೂರ್ಣ ಹಜ್ ನೀತಿಯನ್ನು ಸದ್ಯದಲ್ಲಿಯೇ ಪ್ರಕಟಿಸಲಾಗುವುದು’ ಎಂದೂ ಅವರು ಹೇಳಿದರು.