ಅಖಂಡ ಭಾರತವೆಂಬುದು ಸತ್ಯ; ಆದರೆ ವಿಭಜಿತ ಭಾರತವೆಂಬುದು ಕನಸು! ಮೋಹನ್ ಭಾಗವತ್

ಭೋಪಾಲ್: ಮಧ್ಯಪ್ರದೇಶದ ಭೋಪಾಲ್ ನಲ್ಲಿ ಆರ್‌ಎಸ್‌ಎಸ್ ಮುಖಂಡ ಮೋಹನ್ ಭಾಗವತ್ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದ್ದರು.

ಕಾರ್ಯಕ್ರಮದಲ್ಲಿ ಮಾತನಾಡಿದ ಮೋಹನ್ ಭಾಗವತ್ ‘ಅಖಂಡ ಭಾರತವೆಂಬುದು ಸತ್ಯ. ಆದರೆ ವಿಭಜಿತ ಭಾರತವೆಂಬುದು ಕನಸು. 1947ರ ವಿಭಜನೆಗೆ ಮೊದಲು ಇದು ಭಾರತವಾಗಿತ್ತು. ವಿಭಜನೆಯಿಂದಾಗಿ ಭಾರತದಿಂದ ಬೇರ್ಪಟ್ಟವರು ಸಂತೋಷವಾಗಿದ್ದಾರೆಯೇ? ನೋವು ಇದೆ.

ಭಾರತವು ಪಾಕಿಸ್ತಾನದ ಮೇಲೆ ದಾಳಿ ಮಾಡಬೇಕೆಂದು ನಾನು ಹೇಳುತ್ತಿಲ್ಲ. ನಮ್ಮದು ಆಕ್ರಮಣ ಸಂಸ್ಕೃತಿಯಲ್ಲ. ಆತ್ಮರಕ್ಷಣೆಗಾಗಿ ಪ್ರತೀಕಾರ ತೀರಿಸಿಕೊಳ್ಳುವ ಸಂಸ್ಕೃತಿ ನಮ್ಮದು. ಭಾರತದಿಂದ ಬೇರ್ಪಟ್ಟದ್ದು ತಪ್ಪು ಎಂದು ಪಾಕಿಸ್ತಾನದ ಜನರು ಈಗ ಹೇಳುತ್ತಿದ್ದಾರೆ. ವಿಭಜನೆ ತಪ್ಪು ಎಂದು ಎಲ್ಲರೂ ಹೇಳುತ್ತಿದ್ದಾರೆ’ ಎಂದರು.