ಸಾಮಾನ್ಯವಾಗಿ ನವಜಾತ ಶಿಶುಗಳಿಗೆ ಮಾಡುವ ಶಸ್ತ್ರಚಿಕಿತ್ಸೆಯ ಬಗ್ಗೆ ನಾವು ಕೇಳಿದ್ದೇವೆ. ಆದರೆ ಅಮೆರಿಕದ ವೈದ್ಯರ ತಂಡವೊಂದು ಗರ್ಭಕೋಶದಲ್ಲಿದ್ದ 34 ವಾರಗಳ ಪುಟ್ಟ ಮಗುವಿಗೆ ಮೆದುಳು ಶಸ್ತ್ರಚಿಕಿತ್ಸೆ ಮಾಡುವ ಮೂಲಕ ಹೊಸ ದಾಖಲೆಯನ್ನು ನಿರ್ಮಿಸಿದ್ದಾರೆ.

34 ವಾರಗಳ ಗರ್ಭಿಣಿಯಾಗಿದ್ದ ಅಲ್ಲಿನ ಮಹಿಳೆಯೊಬ್ಬಳು ಬೋಸ್ಟನ್ ಮಕ್ಕಳ ಆಸ್ಪತ್ರೆಗೆ ತಪಾಸಣೆಗಾಗಿ ಹೋಗಿದ್ದರು.ಮಗುವಿನ ಬೆಳವಣಿಗೆ ಹೇಗಿದೆ ಎಂಬುದನ್ನು ತಿಳಿಯಲು ಆಕೆಯನ್ನು ವೈದ್ಯರು ಪರಿಶೀಲಿಸಿದರು. ಆಗ ಮೆದುಳಿನಿಂದ ಹೃದಯಕ್ಕೆ ರಕ್ತವನ್ನು ಸಾಗಿಸುವ ರಕ್ತನಾಳವು ಸರಿಯಾಗಿ ಅಭಿವೃದ್ಧಿ ಹೊಂದಿಲ್ಲದಿರುವುದು ಪರೀಕ್ಷೆಯಲ್ಲಿ ದೃಢಪಟ್ಟಿತು. ಇದು ವೀನಸ್ ಆಫ್ ಗ್ಯಾಲೆನ್ ಎಂಬ ಕೊರತೆಯಾಗಿರುತ್ತದೆ. ಈ ಕೊರತೆಯು ರಕ್ತದ ಹರಿವನ್ನು ನಿಧಾನಗೊಳಿಸುತ್ತದೆ.ರಕ್ತವು ಕ್ಯಾಪಿಲ್ಲರಿಗಳನ್ನು ನೇರವಾಗಿ ಸಂಪರ್ಕಿಸುವ ಬದಲು, ರಕ್ತವು ನೇರವಾಗಿ ರಕ್ತನಾಳಗಳಿಗೆ ಸಂಪರ್ಕಿಸುತ್ತದೆ. ಇದರ ಕಾರಣದಿಂದ ನರಗಳಿಗೆ ಹೆಚ್ಚಿನ ರಕ್ತ ಒತ್ತಡವನ್ನು ಉಂಟುಮಾಡುತ್ತದೆ. ನರಗಳಲ್ಲಿ ಈ ಹೆಚ್ಚುವರಿ ರಕ್ತ ಒತ್ತಡವು ಉಂಟಾಗುವಾಗ ಹಲವಾರು ಸಮಸ್ಯೆಗಳು ಉದ್ಭವವಾಗುತ್ತದೆ. ಹೆಚ್ಚಿನ ಹೃದಯದ ಕ್ರಿಯೆಯ ನಷ್ಟ ಮತ್ತು ಮೆದುಳಿನ ಕ್ಷೀಣತೆಯಿಂದಾಗಿ ಜೀವ ಕಳೆದುಕೊಳ್ಳುವ ಅಪಾಯವಿರುತ್ತದೆ.

ಡ್ಯಾರೆನ್ ಬಿ. ಓರ್ಬಾಚ್ ನೇತೃತ್ವದ ವೈದ್ಯರ ತಂಡವು ಈ ಅಪರೂಪದ ಕಾಯಿಲೆಯನ್ನು ಶಸ್ತ್ರಚಿಕಿತ್ಸೆಯ ಮೂಲಕ ಸರಿಪಡಿಸಲು ನಿರ್ಧರಿಸಿತು. ಗರ್ಭದಲ್ಲಿರುವ ಮಗುವನ್ನು ಉಳಿಸಲು ವೈದ್ಯರು ಕ್ರಮ ಕೈಗೊಂಡರು. ಅತ್ಯಂತ ಸವಾಲಿನ ಈ ಮಿದುಳಿನ ಶಸ್ತ್ರಚಿಕಿತ್ಸೆಯನ್ನು ವೈದ್ಯರ ತಂಡವು ಒಂದು ಸೂಜಿಯಿಂದ ಯಶಸ್ವಿಯಾಗಿ ನಡೆಸಿದೆ. ಇದೀಗ ಮಗುವಿನ ರಕ್ತನಾಳ ಸರಿಯಾಗಿದ್ದು, ಪ್ರಾಣಕ್ಕೆ ಯಾವುದೇ ಅಪಾಯವಿಲ್ಲ ಎಂದು ವೈದ್ಯರು ತಿಳಿಸಿದ್ದಾರೆ.ವಿಶ್ವದಲ್ಲೇ ಪ್ರಥಮ ಬಾರಿಗೆ ಅಮೆರಿಕದ ವೈದ್ಯರ ತಂಡವೊಂದು ಈ ಆಪರೇಷನ್ ಮಾಡಿ ದಾಖಲೆ ಸೃಷ್ಟಿಸಿರುವುದು ಗಮನಾರ್ಹ. In World’s First, US Doctors Perform Brain Surgery On Baby Still In Womb. A baby in the womb with the rare vein of Galen malformation disease was saved in a first-of-its-kind brain surgery.