ಮೆಕ್ಸಿಕೋ ಚೀನಾವನ್ನು ಹಿಂದಿಕ್ಕಿ ದೊಡ್ಡ ಪ್ರಮಾಣದಲ್ಲಿ ತಾಯಿನಾಡಿಗೆ ಹಣ ರವಾನಿಸುವ ಎರಡನೇ ದೊಡ್ಡ ದೇಶವಾಗಿ ಭಾರತ ಪ್ರಗತಿ ಸಾಧಿಸಿದೆ.!
ವಿದೇಶದಲ್ಲಿ ಕೆಲಸ ಮಾಡುವ ಅನಿವಾಸಿ ಭಾರತೀಯರು, ಭಾರತದಲ್ಲಿ ನೆಲೆಸಿರುವ ಕುಟುಂಬದವರು, ಸ್ನೇಹಿತರು ಅಥವಾ ಸಂಬಂಧಿಕರಿಗೆ ರವಾನೆ ಮಾಡುವ ಹಣವನ್ನು Remittance ಎನ್ನುತ್ತಾರೆ. ಈ ನಿಟ್ಟಿನಲ್ಲಿ ಅಮೆರಿಕ, ಯುನೈಟೆಡ್ ಅರಬ್ ಎಮಿರೇಟ್ಸ್, ಸೌದಿ ಅರೇಬಿಯಾ ಮುಂತಾದ ವಿವಿಧ ದೇಶಗಳಲ್ಲಿ ಸುಮಾರು ಒಂದು ಕೋಟಿ 80 ಲಕ್ಷ ಭಾರತೀಯರು ವಿವಿಧ ಕ್ಷೇತ್ರಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ.
ಹೀಗೆ ವಿದೇಶಗಳಲ್ಲಿ ವಾಸಿಸುವ ಜನರು, ತಮ್ಮ ದೇಶಗಳಿಗೆ ಕಳುಹಿಸುವ ಹಣದ ಬಗ್ಗೆ ವಿಶ್ವಸಂಸ್ಥೆ ವಾರ್ಷಿಕವಾಗಿ ವರದಿಯೊಂದನ್ನು ಪ್ರಕಟಿಸುತ್ತದೆ. ‘ವಿಶ್ವ ವಲಸೆ ವರದಿ’ ಎಂಬ ಶೀರ್ಷಿಕೆಯಡಿ ಪ್ರಕಟಿಸಿರುವ ಈ ವರ್ಷದ ವರದಿಯಲ್ಲಿ, ಶ್ರೇಯಾಂಕದಲ್ಲಿ ಭಾರತ, ಮೆಕ್ಸಿಕೊ, ಚೀನಾ, ಫಿಲಿಪೈನ್ಸ್ ಮತ್ತು ಫ್ರಾನ್ಸ್ ಮೊದಲ 5 ಸ್ಥಾನಗಳನ್ನು ಪಡೆದುಕೊಂಡಿದ್ದರೂ, ಮೆಕ್ಸಿಕೋ ಚೀನಾವನ್ನು ಹಿಂದಿಕ್ಕಿ ದೊಡ್ಡ ಪ್ರಮಾಣದಲ್ಲಿ ತಾಯಿನಾಡಿಗೆ ಹಣ ರವಾನಿಸುವ ಎರಡನೇ ದೊಡ್ಡ ದೇಶವಾಗಿ ಭಾರತ ಪ್ರಗತಿ ಸಾಧಿಸಿದೆ.
2010ರಲ್ಲಿ 53.48 ಬಿಲಿಯನ್ ಡಾಲರ್, 2015ರಲ್ಲಿ 68.91 ಬಿಲಿಯನ್ ಡಾಲರ್, 2020ರಲ್ಲಿ 83.15 ಬಿಲಿಯನ್ ಡಾಲರ್ ಮತ್ತು 2022ರಲ್ಲಿ 111.22 ಬಿಲಿಯನ್ ಡಾಲರ್ (ಒಟ್ಟು ರೂ.9.28 ಲಕ್ಷ ಕೋಟಿ) ಕಳುಹಿಸಿಕೊಡಲಾಗಿದೆ. ಭಾರತದ ನಂತರ, ಮೆಕ್ಸಿಕೋ 61.1 ಬಿಲಿಯನ್ ಡಾಲರ್‌ನೊಂದಿಗೆ ಎರಡನೇ ಸ್ಥಾನದಲ್ಲಿ, ಚೀನಾ 51 ಬಿಲಿಯನ್ ಡಾಲರ್‌ನೊಂದಿಗೆ ಮೂರನೇ ಸ್ಥಾನದಲ್ಲಿ, ಫಿಲಿಪೈನ್ಸ್ 38.05 ಬಿಲಿಯನ್ ಡಾಲರ್‌ನೊಂದಿಗೆ ನಾಲ್ಕನೇ ಸ್ಥಾನದಲ್ಲಿ, ಫ್ರಾನ್ಸ್ 30.04 ಡಾಲರ್‌ನೊಂದಿಗೆ ಐದನೇ ಸ್ಥಾನದಲ್ಲಿದೆ ಎಂದು ವರದಿಮಾಡಿದೆ.
