ಗಿರೀಶ್ ಕುಮಾರ್, ಯಾದಗಿರಿ
ಯಾದಗಿರಿ: ರಾಜೀವ್ ಗಾಂಧಿ ನಗರ ಮೈದಾನದಲ್ಲಿ ಡಾ.ಬಿ.ಆರ್ ಅಂಬೇಡ್ಕರ್ ಅವರ ಜಯಂತ್ಯೋತ್ಸವ ಅಂಗವಾಗಿ ಕೊಟಗೇರಾವಾಡ ಪ್ರಿಮೀಯರ್ ಲೀಗ್ ಕ್ರಿಕೆಟ್ ಪಂದ್ಯಾವಳಿಯನ್ನು ಕೊಟಗೇರಾವಾಡ ಮುಖಂಡರಿಂದ ಆಯೋಜಿಸಲಾಗಿದೆ.
ಪಂದ್ಯಾವಳಿಯನ್ನು ಉದ್ದೇಶಿಸಿ ಮಾತನಾಡಿದ ಸ್ಥಳೀಯ ಮುಖಂಡರಾದ ಧರ್ಮ ಗಿರೆಪ್ಪನೋರ್, “ಇಂದಿನ ಯುವಜನತೆ ಕ್ರೀಡಾಕೂಟಗಳ ಮಹತ್ವವನ್ನು ಅರಿತು ಕ್ರೀಡೆಗಳನ್ನು ಅಭಿವೃದ್ಧಿಪಡಿಸುವ ಮನೋಭಾವವನ್ನು ಬೆಳೆಸಿಕೊಳ್ಳಬೇಕು. ದುಶ್ಚಟಗಳಿಗೆ ಬಲಿಯಾಗಬಾರದು. ನಗರದಲ್ಲಿ ಉತ್ತಮ ಆಟಗಾರರಿದ್ದು ಕ್ರೀಡೆಗಳಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡು ದೈಹಿಕವಾಗಿ ಮತ್ತು ಮಾನಸಿಕವಾಗಿ ಸದೃಢರಾಗಬೇಕು” ಎಂದರು.
ಈ ಸಂದರ್ಭದಲ್ಲಿ ಚಂದ್ರಕಾಂತ ಮುನಿಯಪ್ಪನೋರ್, ಬಸವರಾಜ ಗಿರೆಪ್ಪನೋರ್, ಚಂದಪ್ಪ ಮುನಿಯಪ್ಪನೋರ್, ಧರ್ಮ ಗಿರೆಪ್ಪನೋರ್, ಸೈದಪ್ಪ ಕುಯಿಲೂರು, ಶಿವು ಗಿರೆಪ್ಪನೋರ್, ತಾಯಪ್ಪ ಭಂಡಾರಿ, ಸುರೇಶ ಮುನಿಯಪ್ಪನೋರ್, ರಾಹುಲ್ ಕೊಲ್ಲುರ್, ಮಲ್ಲಪ್ಪ ನೂಲ್, ಪ್ರವೀಣ, ರಾಕೇಶ್, ರಾಜು ಇನ್ನಿತರರು ಇದ್ದರು.
